അൽ അസ്മാഉല്മുസ്ദവജഃ

അല്ലാഹുവിൻ്റെ നാമങ്ങൾ പറയപ്പെടുമ്പോൾ തനിച്ചു പറയപ്പെടുന്ന നാമങ്ങളുണ്ട്. ഇത്തരം നാമങ്ങളെ തനിച്ചോ മറ്റൊന്നിനോടു ചേര്ത്തോ പറയാവുന്നതാണ്. 

എന്നാൽ തനിച്ചു പറയാതെ മറ്റൊന്നിനോടു ചേർത്തു പറയപ്പെടേണ്ട നാമങ്ങളുമുണ്ട്. അല്മുക്വദ്ദിം (മുന്തിപ്പിക്കുന്നവൻ) അല്മുഅഖ്ഖിർ (പിന്തിപ്പിക്കുന്നവൻ), അല്അവ്വൽ അല്ആഖിർ, അല്ബാസിത്വ് അല്ക്വാബിദ്വ്, അള്ള്വാഹിർ അല്ബാത്വിന്, എന്നിങ്ങനെ എതിരർത്ഥം അറിയിക്കുന്ന നമങ്ങളാണ് അവ. ഇത്തരം നാമങ്ങളാണ് അൽ അസ്മാഉല്മുസ്ദവജഃ ( ഇരട്ടനാമങ്ങൾ). ഈ നാമങ്ങൾ എതിരർത്ഥമുള്ള നാമത്തോടു ചേര്ത്തു മാത്രമാണ് പറയപ്പെടുക. കാരണം അവകൾ ചേർത്തു പറയപ്പെടുമ്പോഴാണ് അല്ലാഹുവെ അറിയിക്കുന്നതായ അതിൻ്റെ വിശേഷണത്തിനു സമ്പൂർണത.

     

ഇമാം ഇബ്നുല്ക്വയ്യിം (റ) പറഞ്ഞു: അല്ലാഹുവിൻ്റെ നാമങ്ങളിൽ തനിച്ചും മറ്റൊന്നിനോടു ചേർത്തും പറയപ്പെടുന്നവയു ണ്ട്. നാമങ്ങളിൽ അധികവും ഇവയാകുന്നു.... അല്ലാഹുവിൻ്റെ നാമങ്ങളിൽ തനിച്ചുമാത്രം പറയപ്പെടാത്തവയുമുണ്ട്. അവ എതിരർത്ഥങ്ങളെ അറിയിക്കുന്ന നാമങ്ങളെ ചേര്ത്തുകൊണ്ടാണ് പറയപ്പെടുക.....