ഒന്ന്: അല്ലാഹുവിൻ്റെ നാമങ്ങളിൽ മുതഅദ്ദിയായ നാമങ്ങളുണ്ട്.
അഥവാ മുതഅദ്ദിയായ വിശേഷണങ്ങളെ ഉള്കൊള്ളുന്ന നാമങ്ങള്. അത്തരം നാമങ്ങള് മൂന്നു കാര്യങ്ങളെ ഉൾക്കോള്ളുന്നു.
ഒന്ന്: ആ നാമം അല്ലാഹുവിനു സ്ഥിരപ്പെടൽ.
രണ്ട്: ആ നാമം ഉൾകൊണ്ട വിശേഷണം അല്ലാഹുവിനു സ്ഥിരപ്പെടൽ.
മൂന്ന്: ആ നാമത്തിൻ്റെ വിധിയും തേട്ടവും സ്ഥിരപ്പെടൽ
ഉദാഹരണത്തിന് ٱلْسَّمِيعُ (അസ്സമീഅ്) എന്ന നാമം. അത് അസ്സമീഅ് എന്ന നാമത്തേയും അസ്സംഅ് (കേൾവി) എന്ന വിശേഷണത്തേയും അല്ലാഹുവിന് സ്ഥിരപ്പെടുത്തുന്നു. അപ്രകാരം അവന് എല്ലാ രഹസ്യവും ഗൂഡവർത്തമാനവും കേൾക്കുന്നു എന്ന അതിൻ്റെ തേട്ടത്തേയും വിധിയേയും അത് ഉൾകൊള്ളുന്നു.
ഇവിടെ ഈ നാമം അറിയിക്കുന്ന വിശേഷണത്തിൻ്റെ ഫലം അല്ലാഹുവില്നിന്ന് പടപ്പുകളിലെത്തുന്നു എന്നതിനാലാണ് അതിനു മുതഅദ്ദീ എന്ന് പറയപ്പെടുന്നത്.
അല്ലാഹുവിൻ്റെ നാമങ്ങളിൽ മുതഅദ്ദിയായവയാണ് ഈ മൂന്നു കാര്യങ്ങളെ ഉള്കൊള്ളുന്നത്. എന്നാൽ അവയിൽ മു തഅദ്ദിയല്ലാത്തവ രണ്ടു കാര്യങ്ങളെയാണ് ഉള്കെള്ളുന്നത്.
ഒന്ന്: ആ നാമം അല്ലാഹുവിന് സ്ഥിരപ്പെടല്.
രണ്ട്: ആ നാമം ഉള്കൊണ്ട വിശേഷണം അല്ലാഹുവിനു സ്ഥിരപ്പെടല്.
ഉദാ: ٱلْحَىُّ , ٱلْعَلِيُّ , ٱلْعَظِيمُ തുടങ്ങിയുള്ള നാമങ്ങള്. ഈ നാമങ്ങള് അല്അള്വീം, അല്അലിയ്യ് അല്ഹയ്യ്, എന്നീ നാ മങ്ങളേയും അള്വമത്ത് (മഹത്വം), ഉലുവ്വ് (ഉന്നതി), ഹയാത് (ജീവന്), എന്നീ വിശേഷണങ്ങളേയുമാണ് അല്ലാഹുവിന് സ്ഥിരപ്പെടുത്തു ന്നത്.
രണ്ട്: അല്ലാഹുവിൻ്റെ നാമങ്ങള് അവൻ്റെ സത്തയേയും വിശേഷണത്തേയും അറിയിക്കുന്നത് മൂന്നു നിലക്കാണ്.
1. ദലാലത്തുല്മുത്വാബക്വഃ (دَلاَلَةُ الْمُطاَبَقَةِ)
ഏതൊരു ആശയത്തിനാണോ ഒരു പദം അടിസ്ഥാനപര മായി വെക്കപ്പെട്ടത് പ്രസ്തുത ആശയത്തെ ആ പദം നേരിട്ട് അ റിയിക്കലാണ് ദലാലത്തുല്മുത്വാബക്വഃ. ഉദാഹരണത്തിന് ഖാലിക്വ് എന്ന നാമം. അല്ലാഹുവിൻ്റെ ദാത്തിനേയും ഖല്ക്വ്(സൃഷ്ടിപ്പ്) എ ന്ന വിശേഷണത്തേയുമാണ് അത് നേരിട്ട് അറിയിക്കുന്നത്.
2. ദലാലത്തുത്തദ്വമ്മുന് (دَلاَلَةُ التَّضَمُّنِ)
ഏതൊരു ആശയത്തിനാണോ ഒരു പദം വെക്കപെട്ടത് പ്രസ്തുത ആശയത്തിൻ്റെ ഒരു ഭാഗം അറിയിക്കുന്നതിനാണ് ദലാ ലത്തുത്തദ്വമ്മുന് എന്ന് പറയുന്നത്.
ഖാലിക്വ് എന്ന നാമം അല്ലാഹുവിൻ്റെ ദാത്തിനെ തനി ച്ചോ അല്ലെങ്കിൽ ഖല്ക്വ് എന്ന വിശേഷണത്തെ തനിച്ചോ അറി യിക്കുന്നത് ഉദാഹരണം. കാരണം ദാത്തും ഖല്ക്വും ഖാലിക്വ് എ ന്ന നാമത്തിൻ്റെ ആശയത്തിൽ ഉള്ളടങ്ങിയതാണ്.
3. ദലാലത്തുല്ഇല്തിസാം (دَلاَلَةُ اْلاِلْتِزَامِ)
ഒരു പദംകൊണ്ട് പേരു വെക്കപ്പെട്ടതിൻ്റെ ആശയത്തിന പ്പുറം അനിവാര്യമായ ആശയങ്ങളെ അറിയിക്കുന്നതിനാണ് ദലാ ലത്തുല്ഇല്തിസാം എന്നു പറയുന്നത്.
ഖാലിക്വ് എന്ന നാമം അല്ലാഹുവിൻ്റെ അറിവ്, കഴിവ് എ ന്നീ വിശേഷണങ്ങളെ അറിയിക്കുന്നത് ഉദാഹരണം. കാരണം ഖാ ലിക്വ് എന്ന നാമത്തിൻ്റെ ആശയം അതിനപ്പുറമുള്ള ഈ കാര്യങ്ങ ളെ അനിവാര്യമാക്കുന്നു. അതിനാലാണ് വാനങ്ങളുടേയും ഭൂമി യുടേയും സൃഷ്ടിപ്പിനെ കുറിച്ചു പറഞ്ഞപ്പോള് അല്ലാഹു ഇപ്രകാ രം പറഞ്ഞത്:
أَنَّ اللَّهَ عَلَىٰ كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا
...അല്ലാഹു ഏത് കാര്യത്തിനും കഴിവുള്ളവനാകുന്നു എന്നും ഏ തു വസ്തുവെയും ചൂഴ്ന്ന് അറിയുന്നവനായിരിക്കുന്നു എന്നും നിങ്ങള് മനസ്സിലാക്കുവാന് വേണ്ടി. (ക്വുർആൻ 65: 12)
മൂന്ന്: അല്ലാഹുവിൻ്റെ സത്താപരമായ വിശേഷണങ്ങളെ (സ്വിഫാത്തുന്ദാത്തിയ്യഃ) അറിയിക്കുന്നവ.
അല്ലാഹുവിലുള്ളതും നില നില്ക്കുന്നതും അവൻ്റെ സത്തയോട് വേര്പെടാത്തതുമായ വിശേഷണങ്ങളാണ് സത്താപരമായ അവൻ്റെ വിശേഷണങ്ങള്. അവ ക്ക് അവൻ്റെ മശീഅത്തുമായി ബന്ധമില്ല. അഥവാ അവന് ഉദ്ദേശിച്ചാൽ ചെയ്യുക അല്ലെങ്കിൽ ചെയ്യാതിരിക്കുക എന്നിങ്ങനെ അല്ലാഹുവിൻ്റെ ഉദ്ദേശ്യവുമായി അവക്ക് ബന്ധമില്ല.
ٱلْحَىُّ: ഈ നാമം അല്ലാഹുവിന് അല്ഹയാത് എന്ന വി ശേഷണത്തെ അറിയിക്കുന്നു.
ٱلْعَلِيُّ: ഈ നാമം അല്ഇല്മ് എന്ന വിശേഷണത്തെ അറി യിക്കുന്നു.
ٱلْقَوِيُّ : ഈ നാമം അല്ക്വുവ്വത് എന്ന വിശേഷണത്തെ അ റിയിക്കുന്നു.
ٱلْعَزِيزُ : ഈ നാമം അല്ഇസ്സത് എന്ന വിശേഷണത്തെ അ റിയിക്കുന്നു.
നാല്: അല്ലാഹുവിൻ്റെ പ്രവൃത്തിപരമായ വിശേഷണങ്ങളെ (സ്വിഫാത്തുന്ഫിഅ്ലിയ്യഃ) അറിയിക്കുന്നവ.
ഇത്തരം നാമങ്ങള് അവ ൻ്റെ മശീഅത്തുമായി ബന്ധപ്പെടുന്നു. അഥവാ അവന് ഉദ്ദേശി ച്ചാൽ ഇത്തരം നാമങ്ങളറിയിക്കുന്ന വിശേഷണങ്ങളെ അവന് പ്ര വര്ത്തിക്കും അല്ലെങ്കിൽ പ്രവര്ത്തിക്കില്ല.
ٱلْخَالِقُ : ഈ നാമം അല്ലാഹുവിന് അല്ഖല്ക്വ്(സൃഷ്ടിപ്പ്) എന്ന വിശേഷണത്തെ അറിയിക്കുന്നു.
ٱلْتَّوَّابُ : ഈ നാമം അത്തൗബഃ(തൗബഃ സ്വീകരിക്കല്) എന്ന വിശേഷണത്തെ അറിയിക്കുന്നു.
ٱلْرَّزَّاقُ : ഈ നാമം അര്റസ്ക്വ്(ഉപജീവനം നല്കല്) എന്ന വിശേഷണത്തെ അറിയിക്കുന്നു.
ٱلْغَفُورُ : ഈ നാമം അല്മഗ്ഫിറത്(പാപം പൊറുക്കല്) എ ന്ന വിശേഷണത്തെ അറിയിക്കുന്നു.
എന്നാൽ ഈ വിശേഷണങ്ങളെല്ലാം അല്ലാഹുവിൻ്റെ ഉദ്ദേ ശ്യമനുസരിച്ച് അവന് ചെയ്യുകയോ ചെയ്യാതിരിക്കുകയോ ചെയ്യും.
يَخْلُقُ اللَّهُ مَا يَشَاءُ
..അല്ലാഹു താന് ഉദ്ദേശിക്കുന്നത് സൃഷ്ടിക്കുന്നു... (ക്വുർആൻ 24: 45)
وَاللَّهُ يَرْزُقُ مَن يَشَاءُ
അല്ലാഹു അവന് ഉദ്ദേശിക്കുന്നവര്ക്ക് കൊടുക്കുന്നതാണ്. (ക്വുർആൻ 2: 212)
وَيَتُوبُ اللَّهُ عَلَىٰ مَن يَشَاءُ
അല്ലാഹു താന് ഉദ്ദേശിക്കുന്നവരുടെ പശ്ചാത്താപം സ്വീകരിക്കുന്നു. (ക്വുർആൻ 9: 15)
يَغْفِرُ لِمَن يَشَاءُ
..അവന് (അല്ലാഹു) ഉദ്ദേശിക്കുന്നവര്ക്ക് അവന് പൊറുത്തുകൊടുക്കും... (ക്വുർആൻ 48: 14)
അഞ്ച്: ഒന്നിലധികം വിശേഷണങ്ങളെ അറിയിക്കുന്ന ധാരാളം നാമങ്ങള് നാമങ്ങളുടെ കൂട്ടത്തിലുണ്ട്. കേവലം ഒരു അർത്ഥം മാത്രമല്ല ഇത്തരം നാമങ്ങള്ക്ക് ഉള്ളത്.
ഉദാഹരണത്തിന് ٱلْصَّمَدُ എന്ന നാമം.
നേതൃത്വത്തിൽ പൂർണതവരിച്ച സയ്യിദ്,
ശറഫിൽ പൂർണതവരിച്ച ശരീഫ്,
മഹത്വത്തിൽ പൂർണതവരിച്ച അല്അള്വീം,
ഹില്മില് (പെട്ടന്നു ശിക്ഷിക്കാതെ തൗബഃക്കു സാവകാശം നല്കല്)
പൂർണതവരിച്ച അല്ഹലീം,
ധന്യതയിൽ പൂർണതവരിച്ച അല്ഗനിയ്യ്,
ആധിപത്യത്തിൽ പൂർണതവരിച്ച അല്ജബ്ബാര്,
അറിവിൽ പൂർണതവരിച്ച അല്ആലിം,
ഹിക്മത്തിൽ പൂർണതവരിച്ച അല്ഹാകിം, തുടങ്ങി ധാരാളം
വിശേഷണങ്ങളെയാണ് അസ്സ്വമദ് എന്ന നാമം അറിയിക്കുന്നത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ